lift佬心聲

人工一定唔理想　七仟左右已中上
十二個月無雙糧　兩年合約要裝香
開工應該喜洋洋　點知世態更炎涼
整lift之名樣樣理　萬人之下一人上
光管燒左等你換　困人走call你當殃
閉路唔著都關事　大堂烏糟你清場
乜機壞左要識整　發現工程要早響
食飯最多半個鐘　大小二便難舒暢
全港執位四圍去　午夜去到變早場
仲要出街收爛賬　朝早做到死咁樣
公司人事要攪好　唔係你就實肥佬
對住主管要讚賞　對住上司要讚揚
對待同事要禮讓　對住老板扮羔羊
上司老板夠無良　病都要做鬼體諒
同事犯錯有你份　仲要鬧你正粉腸
開會猶如打靶場　比人插到啪啪響
翻開肚皮睇全相　鬧完仲要拍手掌
工餘進修係妄想　回家食飯無相量
想話請假來休養　老細面似屎一樣
晚晚加班做七日　唔通個個嫌命長
日日返工似喪屍　十足幾年無沖涼
大假以為好安享 電話成日響又響
要響公司做　逐箱"快勞"搬埋牆
笑臉迎人裝模樣　當正自己做歡場
以上所講無誇張　全是lift行眾生相
奉勸各位要命長 入行之前看下相
奉勸大家要命長 餓你唔死吹鬼脹
入行條件水咁長 咩牌電牌先張揚
電打磨炮你專長 快D入來玩兩場
祝君好運樂洋洋 hahahaha
加油丫整lift佬

05,02星期五

今日一早食完早餐就落左去伊利沙伯中學,好彩今日唔係去海運姐如果唔係就大件事囉都唔知幾點先去到,係伊利沙伯走左之後就行左去羅裕積小學去到望下睇下就走左啦不果去到果見到d老師同學生係到睇電視直播傳聖火都唔明有咩好睇走左之後就行左去油x地行人天橋果部都重未放返所以去到都係望下睇下就去左昌發放低d野就去左食飯,食完飯就上返機房訓左一陣,之後阿東就落左井底整保償鏈我就係機頂扲機整到兩點幾就搭車去左天光道聖馬善樂小學一去到寫logbook時見到有張紙貼左係到上面寫住5樓lift門有聲,之後就上左去整整左一陣就搞掂跟住就上左機房坐坐到4點就放工,等陣車返屋企果時send左個sms比家姐問佢出唔出來食野點知佢既答覆係我同你姐夫食左啦唉......真係同家姐無緣呀!!!!!!

姑婆希望你係另一個世界生活得快樂永遠懷念你的駿仔

04,28星期一

今日又要做orderly上去北角總部交糧單,係食早餐果時見到家姐佢問我做咩唔過去食呀但我無答佢因為我唔知點答跟住就上左北角,交左糧單之後就去司徒浩係北角去緊藍田既中途我發現左一樣野就係香港有好多傻佬同科學家好上次去完拜山返屋企果時見到有個科學家同外星人講,今日就見到有條死傻佬一上地鐡就係咁原地跑攪到全車人望住佢,但佢跑左一陣就同佢老婆行左去後面,跟住打左比BB同佢係咁講d無聊野但講得好開心,跟住阿東就到左坐左一陣佢就叫我出去旺角幫佢攞返部call機,攞左之後就去左嘉諾撒整部一號機阿東就落井底我就係機頂行快車落嘩......果種快感真係非筆墨能形容,跟住就去左聖潔靈整門腳膠整到4點幾就放工返屋企,咁就過左一日啦!!!

04,29

今日一早就落左去觀塘碼頭連早餐都係果邊食,食完就返返去整6號梯如果唔係個多撚事既看更佬我今日洗做咁多野到最後個梯級要下星期二攞去荃灣比人整即係又要辛苦我,之後就去左食飯食完之後本來阿東話去直銷中心睇冷氣點知間野係王氏但王氏一早就無左啦之後阿東就好失望咁行返去碼頭廣場,返到去就去左二樓機房訓左一陣就上去15樓睇下1-4號機既機頂上機房倒下油咁行下坐下就還返鎖匙收工,我走果時望下部電話個鐘---16:39係觀塘碼頭好內都未試過咁早就收工真係開心等緊巴士果時見到蔡師父原來佢都係搭93A,同佢吹左一陣水之後佢就係秀茂坪落車之後我就返屋企啦聽日有一個好重要既地方要去都係一個無人想去既地方----殯儀館

嘩......好內無打過xanga啦而家又再打返先得

上星期去完日本返來好似咩都唔同哂咁,星期一第一日返工就係咁比人問有無手信,我本來出發果日有記住要買既但後尾去玩玩下就唔記得左啦搞到家姐嬲左我,要到昨日叫佢婷婷先唔嬲炸唉......所以經過今次之後下年再去日本既時後一定會買手信比你地既,費事佢地係咁係到屌鬼.唔講唔知原來上星期既黑雨搞到油x地行人天橋水浸而家停左機有待公司向路政署報價(全香港三百幾萬人比錢整嫁)所以得閒就搭下啦你地都有份比錢嫁

今日無咩特別野發生,只係比海運個賴生同5號機玩死,不果都好令我愛上左部sony walkman星期日去買啦

我一出世就識扣人ot食數
做咗咁耐抺油幾十條梯梗係分到
我call又走唔到 執梯又執唔到
要我亂up野都全冇難度
個頭電鬈毛 心腸夠晒毒
眼睛水汪汪 D call真夠旺<<<<<咁似講緊我既

lift佬精神,行機走人